Monday, December 6, 2010
សេចក្តីសុខនៃការរួមភេទពេលមានផ្ទៃពោះ
អ្នកត្រូវធ្វើការរួមភេទដើម្បីឱ្យមានផ្ទៃពោះ ប៉ុន្តែពេលអ្នកមានផ្ទៃពោះហើយអាច ចូលរួមភេទបានដែរឬទេ ? ស្ត្រី ជាច្រើនគិតថាមិនអាចរួមភេទបាន ឡើយនៅពេលខ្លួនកំពុងមានផ្ទៃពោះ ប៉ុន្តែពេលនេះអ្នកអាចគិតម្តងទៀតបាន ។ សម្រាប់ស្ត្រីដែលពពោះហើយមានសុខភាពល្អ និង ធម្មតាការលេងល្បែងលើគ្រែមិនត្រឹមតែមានសុវត្ថិភាពប៉ុណ្ណោះទេ ប៉ុន្តែថែមទាំងទទួលបាននូវសេចក្តីសុខដ៏គួរឱ្យភ្ញាក់ផ្អើលទៀតផង ។
ជាការពិតណាស់ការរួមភេទនៅក្នុងរយៈពេលបីខែដំបូងនៃការមានផ្ទៃពោះ វាមិនសូវធ្វើឱ្យអ្នកមានអារម្មណ៍សប្បាយ ប៉ុន្មានទេដោយសារតែកើតមានអាការចាញ់កូន អស់កម្លាំងកំហែង និង បញ្ហាទាក់ទងនឹងការពពោះមួយចំនួនផ្សេងទៀត ដែលជាហេតុធ្វើឱ្យអ្នកមិនសូវចាប់អារម្មណ៍ពីការឡើងគ្រែជាមួយស្វាមី ។ ប៉ុន្តែនៅពេលត្រីមាសទីពីរឈានចូលមកដល់ រាងកាយរបស់អ្នកមានការប្រែប្រួលហើយបែរជាមានអារម្មណ៍ចង់រួមភេទវិញ ហើយសម្រាប់ស្ត្រីជាច្រើននៅដំណាក់កាល នេះតែងតែចង់រួមភេទ ហើយបើទោះជាពេលនេះក្បាលពោះដូចជាឡើងធំបន្តិចក៏ដោយ ក៏សេចក្តីសុខដែលបានមកពីការ ធ្វើអីៗនៅក្នុងអំឡុងពេលនេះគឺអស្ចារ្យដែលអ្នកមិននឹកស្មានដល់ ។ ដូច្នេះពេលនេះអ្នកអាចប្រាប់ដៃគូរបស់អ្នកបានថា ការរួមភេទគឺមានសុវត្ថិភាពសម្រាប់អ្នក ហើយក៏មិនបង្កគ្រោះថ្នាក់ដល់ទារកដែលនៅក្នុងផ្ទៃដែរ ។ តើហេតុអ្វីបានជាការ រួមភេទនៅពេលមានផ្ទៃពោះធ្វើឱ្យអ្នកទទួលបានសេចក្តីសុខដែលនឹកស្មានមិន ដល់ ?
ហេតុផលទីមួយគឺថា រាងកាយរបស់ស្ត្រីនៅពេលមានផ្ទៃពោះ មានសភាពរស់រវើកជាងពេលធម្មតា ពេលនេះហើយ ទើបអ្នកអាចធ្វើរឿងថ្មីៗបានជាមួយការប្រែប្រួលនៃសរសៃរបស់អ្នក ។ នៅក្នុងអំឡុងពេលមាននៃការពពោះ រាងកាយរបស់ ស្ត្រីផលិតតាមធម្មជាតិនូវអ័រម៉ូន ដែលធ្វើឱ្យអ្នកអាចយឺតសរសៃសសូង ហើយជាទូទៅរាងកាយមានលក្ខណៈប្រសើរជាង មុន ។ តាមពិតទៅការប្រែប្រួលនោះគឺដើម្បីឱ្យស្ត្រីងាយស្រួលនៅក្នុងការ សម្រាលកូន ប៉ុន្តែវាក៏ផ្តល់ផលល្អចំពោះការ រួមភេទដើម្បីទទួលបាននូវសេចក្តីសុខផងដែរ ។ ក្រៅពីការប្រែប្រួលខាងអ័រម៉ូនហើយនោះ រូបរាងរបស់ស្ត្រីក៏ផ្លាស់ប្តូរដែរ ហើយការផ្លាស់ប្តូរខ្លះជាអំណោយផលខ្លាំងដល់ការរួមភេទ ។
នៅក្នុងពេលពពោះរូបរាងមានការផ្លាស់ប្តូរច្រើន ។ ពិតណាស់ថាអ្នកនឹងមានក្បាលពោះធំនៅអំឡុងពេលនេះ ប៉ុន្តែវា គ្រាន់តែជាផ្នែកមួយប៉ុណ្ណោះ ។ ក្នុងអំឡុងពេលនេះដែរ សុដន់ទាំងគូរបស់អ្នកនឹងរីកធំដល់ទំហំមួយដែលធ្វើឱ្យអ្នកសិចស៊ី បំផុត ហើយផ្ទៃមុខក៏ឡើងក្រហមទៀត ។ លើសពីនេះត្រគាករបស់អ្នកក៏នឹងរីកធំជាងមុនផងដែរ ។ នេះអាចជាចំណុច មួយឡធ្វើឱ្យដៃគូមានសេចក្តីរំភើបបំផុតនៅពេលរួមភេទ ។
ចំណុចល្អមួយទៀតនោះគឺថា ការផ្លាស់ប្តូរនៃរាងកាយរបស់ស្ត្រីនៅពេលមានផ្ទៃពោះ ជាការបើកផ្លូវឱ្យគូស្នេហ៍ស្វែងរក នូវក្បាច់លើគ្រែថ្មីៗមកជំនួសក្បាច់ចាស់ៗដែលគួរឱ្យធុញទ្រាន់ ។ ជាមួយនឹងការផ្លាស់ប្តូរក្បាច់ប្រយុទ្ធលើគ្រែ វានឹងធ្វើឱ្យ អ្នកទទួលបាននូវអារម្មណ៍មួយថ្មីដែលមិនធ្លាប់កើតមាននាពេលកន្លងមក ៕
Subscribe to:
Post Comments (Atom)
No comments:
Post a Comment